މާލޭގެ ގެއެއްގައި އަލިފާނުގެ ހާދިސާއެއް ހިނގައިގެން އެމްއެންޑީއެފްގެ ފަޔާ އެންޑް ރެސްކިއު ޓީމުން ހަރަކާތްތެރިވާން ފަށައިފިއެވެ.
އެމްއެންޑީއެފް އިން ބުނީ، އަލިފާނުގެ ހާދިސާ ހިނގާފައި ވަނީ މ. މަލީޝާގެ ދެވަނަ ފަންގިފިލާގައި ކަމަށެވެ. ނަމަވެސް އެ ހާދިސާ އާއި ގުޅޭ އިތުރު މައުލޫމާތެއް އެމްއެންޑީއެފް އިން ހިއްސާކޮށްފައި ނުވެއެވެ.
މިވަގުތު އެމްއެންޑީއެފް ފަޔާ އެންޑް ރެސްކިޔު ސާވިސްއިން ހަރަކާތްތެރިވަމުން އަންނައިރު މި ހާދިސާގައި އެއްވެސް މީހަކަށް އަނިޔާ ލިބިފައިވާ ކަމުގެ މައުލޫމާތެއް ލިބިފައި ނުވެއެވެ.
އެމްއެންޑީއެފް އިން އާންމު ކުރި ފޮޓޯ ގައި އެ ގޭގައި އަލިފާން ރޯވެ ބޭރަށް ދުން އަރާ މަންޒަރު ފެނެއެވެ. އަދި ފޮޓޯއިން ފެންނަ ގޮތުގައި އެ ގޭގެ ގްރައުންޑް ފްލޯގައި ފިހާރައެއް ހުރެއެވެ.
