އަަހަރުމެން ދިވެހީންގެ ތެރޭގައި އެންމެ ގިނައިން ކައިއުޅޭ އެއް ފަތްޕިލާވެލީގެ ބާވަތަށް މުރަނގަފަތް ވާނެއެވެ. އޭގައި ކެލްސިއަމް، ވިޓަމިން ސީ، ޕޮޓޭސިއަމް، އަޔަން، ވިޓަމިން އޭ އަދި ޒަރޫރީ އެމިނޯ އެސިޑް ގިނަ އަދަދަކަށް އެކުލެވޭއިރު މި ފަތް ކައުމުގައި ބޭނުން ކުރެވެނީ އެންމެ އެދެވޭ ގޮތް ކަމާމެދު ސުވާލު އުފެދެއެވެ؟
މުރަނގަފަތް ގިނައިން މި ކެވެނީ ތެލުލައިގެން އޭގެ ތެރެއަށް ތެލުލި މަހާއި ތެލުލި ފިޔާ، ލޮނުމެދު އަދި ލޮނު އަޅައިގެންނެވެ. އެހާ ސިއްހަތަށް ފައިދާ ކުރާ ބާވަތެއް މިފަދައިން ކެއުމަކީ އޭގެ ފައިދާ އެއްވެސް ވަރަކަށް ކުރާނެ ކަމެއް ނޫނެވެ. ތެލުގައި ތެލުލުމުން ހަށިގަނޑަށް ލިބެނީ އިތުރު ގެއްލުމަކަށްވާއިރު ހަށިގަނޑުގައި ޖަހަނީ އިތުރު ސަރުބީއެވެ. އެހެންކަމުން މި އާދަ ދޫކޮށް ސިއްހަތަށް ފައިދާ ކުރަނިވި ގޮތަކަށް މުރަނގަފަތް ކެވިދާނެ ގޮތްތަކާއި މިފަތުގައި އެކުލެވޭ ފައިދާތަަކަށް މި ލިޔުމުގައި އަލިއަޅުވާލާނަމެވެ.
މުރަނގަފަތުން ލިބެނީ ކޮން މާއްދާތަކެއް؟
މުރަނގަ ފަތަކީ ކެރެޓާއި އޮރެންޖާއި ކިރަށް ވުރެވެސް އޭގައި ހުންނަ ނިއުޓްރިޝަންގެ މިންވަރު މަތި އެއްޗެކެވެ. މުރަނގަފަތުގައި އެންޓިފަންގަލް އާއި އެންޓިވިރަލް އާއި އެންޓި-ޑިޕްރެސެންޓް ގެ އިތުރަށް ފާރު ހިއްކުމާއި ދުޅަ ތިރި ކޮށްދޭ ކަހަލަ ބާރުތައް އެކުލެވިގެންވެއެވެ.
އަދި ހަމަ އެހެންމެ މުރަނގަފަތުން ވިޓަމިން އޭ ލިބޭއިރު ވިޓަމިން ބީ1 ، 2، 3، 6 ލިބެއެވެ. ޒިންކް އާއި އަޔަން އާއި ކެލްސިއަމްގެ އިތުރުން ޕްރޮޓީން އާއި މެގްނީޒިއަމް މަތީ ދަރަޖައަކަށް ލިބެއެވެ.
މުރަނގަ ފަތުން ލިބޭ ބައެއް ސިއްހީ ފައިދާތައް:
- ބަނޑުގެ އާންމު އުނދަގޫތައް ކުޑަކުރުން - ބަނޑު ހަރުވުމާއި، ގޭސްވުން ފަދަ، ހަޖަމު ކުރުމުގެ ނިޒާމާއި ގުޅިފައިވާ މައްސަލަތައް މުރަނގަ ފަތުން ހައްލުކޮށްދޭ
- ލޭ މައްޗައްދިޔުން ތިރިކުރުން - ލޭ ހޮޅިތައް ފަލަވެ ބެދުމުން ދުރުކޮށްދޭ
- ކްލޮސްޓްރޯލް ދަށްކުރުން - ހަށިގަނޑުގައި ކޮލެސްޓްރޯލް ހިމެނޭ މިންވަރު ދަށް ވުމުން ހިތުގެ ބަލިތައް ޖެހުމުގެ ފުރުސަތު ކުޑަކޮށްދޭ
- ހަކުރުބަލި ކޮންޓްރޯލު ކުރުން - ލޭގައި ގްލުކޯޒް ހުންނަ މިންވަރު ދައްކޮށްދިނުމުގެ އިތުރުން، ކުޑަކަމުދާ ތަކެތީގައި ހުންނަ ހަކުރާއި ޕްރޮޓީން މަދުކޮށް ދެއެވެ. އަދި އޭގެ ސަބަބުން ހަށިގަނޑުގައި ހިމަގޮލޮބިން ހުންނަވަރު ރަނގަޅުވެގެންދޭ
މީގެ އިތުރުން ވެސް މުރަނގަފަތުގައި ހިމެނޭ ވިޓަމިން އޭ އަދި ސީ ގެ މިންވަރު ގިނަވުމަކީ ލޮލުގެ ފެނުމާއި ހަމުގެ ދުޅަހެޔޮކަން އިތުރުކުރުމަށް ވަރަށް ބޮޑު އެހީތެރިކަމެއް ފޯރުކޮށްދޭ މާއްދާއެކެވެ. މި ވިޓަމިންތަކަކީ އެނީމިއާއާ ދެކޮޅަށް މަސައްކަތްކުރުމަށާއި، ހަކަތައިގެ މިންވަރު އިތުރުކޮށް، ހަޖަމުކުރުމުގެ ދުޅަހެޔޮ ނިޒާމެއް ދެމެހެއްޓުމަށް ވަރަށް މުހިންމު ވިޓަމިންތަކެކެވެ.
މުރަނގަފަތް ބޭނުން ކުރެވިދާނެ ގޮތްތައް:
ތެލުލައިގެން ނޫނަސް ހަށިގަނޑަށް ފައިދާ ހުރި ގޮތުގައި މުރަނގަފަތް ކެވޭނެއެވެ. އެގޮތުން ބިސްގަނޑު އަޅައިގެންނާއި ކުޅި ފޮޅި ފަދަ އެއްޗިހި ފިހާ އިރު އެއަށް އަޅައިގެންނާއި އަދި ބަތްކާއިރު ރޯ މުރަނގަފަތް ކެއުމަކީ ވެސް ވަރަށް ގިނަ ފައިދާ ލިބޭނެ ގޮތްތަކެވެ.
ތާޒާ މުރަނގަފަތް އަވިން ހިއްކާ މުރަނަ ކުރުމަށްފަހު 'ޕައުޑާ' ހަދައިގެން ސައި އަދި އެހެނިހެންވެސް ކާނާތައް ތައްޔާރު ކުރާއިރު ބޭނުން ކުރުމަކީ ވެސް ސިއްހަތަށް ފައިދާ ކުރާނެ ގޮތެކެވެ. އަދި ތަފާތު ބާވަތްތަކުގެ ސެލެޑް ތައްޔާރު ކުރާއިރު ވެސް މުރަނގަފަތް ބޭނުން ކުރުމަކީ އޭގެން ހަށިގަނޑަށް ފައިދާ ކުރާނެ ކަމެކެވެ.
މުރަނގަފަތުގެ ފައިދާގެ ފުޅާ ލިސްޓުން ގުދުރަތީ ސިއްހަތު ބޫސްޓާއެއްގެ ގޮތުގައި އޮތް މިންވަރު ދައްކުވައިދެއެވެ. މީގެ ބާރުގަދަ ނިއުޓްރިއަންޓް ޕްރޮފައިލް އަކީ ކޮންމެ ކެއުމަކަށް ވެސް އަގުނުކުރެވޭ ވަރުގެ އިތުރުވުމަކަށް ވާއިރު، ޖޮއިންޓުތަކުގެ ސިއްހަތުން ފެށިގެން ހަންގަނޑުގެ އަލިކަން ފަދަ ސިއްހީ ގިނަ ކަންކަމަށް އެހީތެރިވެދެއެވެ. މުރަނގަފަތަކީ އަކީ ހަގީގަތުގައި ނިއުޓްރިއަންޓް ޕަވާހައުސްގެ ގޮތުގައި މަޝްހޫރުކަން ހޯދާފައިވާ، ވިޓަމިންސް، މިނަރަލްސް އަދި އެހެނިހެން ޒަރޫރީ ނިއުޓްރިއެންޓްސްގެ މުއްސަނދި އެއްޗެކެވެ.
ކިތަންމެ ގިނަ ފައިދާއެއް ލިބޭ ތަރުކާރީއެއް ނަމަވެސް އެ ފައިދާ ހަށިގަނޑަށް ކުރާނީ ރަނގަޅު ގޮތަށް ތައްޔާރުކޮށްގެން ކެއުމުންނެވެ. ހަށިގަނޑަށް ފައިދާ ހުރި އެއްޗެއް ކެއަސް އެއިން ގެއްލުންތައް ލިބޭ ގޮތްތައް ވެސް ހުރެއެވެ. ވީމާ މުރަނގަފަތް ކާންވީ އެއިން ސިއްޙަތަށް ފައިދާ ލިބޭނެ ގޮތަށެވެ.
