ކ. ތިލަފުށި ސައިޓެއްގައި މަސައްކަތްކުރާ ބިދޭސީއަކު ގެއްލިގެން ހޯދަން ފަށައިފިއެވެ.
ފުލުހުން ބުނީ ތިލަފުށި ސައިޓެއްގައި މަސައްކަތްކުރާ ބިދޭސީއަކު ޖެނުއަރީ 26 ވަނަ ދުވަހު ގެއްލިފައިވާ ކަމަށާއި އޭނާ ގެއްލިގެން ފުލުހުންނަށް ރިޕޯޓުކޮށްފައިވަނީ ޖެނުއަރީ 28 ވަނަ ދުވަހު ކަމަށެވެ.
ފުލުހުން ބުނީ އޭނާ ހޯދުމުގެ މަސައްކަތް މިހާރު ކުރަމުންދާކަމަށެވެ.
ގެއްލިގެން ހޯދަމުންދާ ފަރާތުގެ އިތުރު މައުލޫމާތެއް ފުލުހުން ހިއްސާކޮށްފައެއް ނުވެއެވެ.
ދާދި ފަހުން ކ. ކާށިދޫގެ މުދާ އުފުލާ ބޯޓެއް އެ ރަށު ފަރަށް އަރައި، ބޯޓުން ދަތުރުކުރަމުން ދިޔަ ބިދޭސީއަކު ގެއްލިގެން ހޯދަމުން ދަނިކޮށް މަރުވެފައި އޮއްވާ ވަނީ ފެނިފައެވެ. މި ހާދިސާގައި މަރުވެފައި އޮއްވާ ފެނުނީ ބަންގްލަދޭޝަށް ނިސްބަތްވާ އެމްޑީ އަލަމްގީރް (30އ) އެވެ.
