ތެޔޮ ބާޖަކުން މޫދަށް ފޭބި ދިވެއްސަކު ގެއްލިގެން ހޯދަމުން ދަނިކޮށް، ހުޅުމާލޭ ފަޅުތެރެއިން މިއަދު ފެނިއްޖެއެވެ.
ހުޅުލޭ ސީޕްލޭން ޓާމިނަލްގެ އުތުރުން އޮންނަ ފަޅުގައި އަޅާފައި އޮތް ތެޔޮ ބާޖަކުން މޫދަށް ފޭބި 48 އަހަރުގެ ދިވެއްސަކު ގެއްލިގެން ފުލުހުންނަށް ރިޕޯޓުކޮށްފައި ވަނީ ރޭ އިރާކޮޅުއެވެ.
އެއާއެކު އޭނާ ހޯދުމުގެ މަސައްކަތް އެމްއެންޑީއެފްގެ އިތުރުން ފުލުހުންނާއި އެއާޕޯޓްގެ ރެސްކިޔު ޓީމު ވެސް ބައިވެރިވެފައި ވެއެވެ.
މެރިން ޕޮލިސް އިން ބުނީ އެ މީހާގެ ހަށިގަނޑު ފެނުނީ ހުޅުމާލެ ފަޅުތެރޭގެ އަޑިން ކަމަށެވެ.
އެ ހާދިސާ އާއި ގުޅޭ އިތުރު އެއްވެސް މައުލޫމާތެއް ފުލުހުން އަދި އެމްއެންޑީއެފް އިން ވެސް މިހާތަނަށް ހާމަ ކޮށްފައި ނުވެއެވެ.
