މާލެއިން ގެއްލިގެން ހޯދަމުންދިޔަ ނޫރާ ފެނިފައިވާ ކަމަށް ފުލުހުން ބުނެފިއެވެ.
ރޭ 08:00 އެހައިކަންހާއިރު ނޫރާ ގެއިންބޭރަށް ދިޔަފަހުން ހަބަރެއްނުވެ ގެއްލިފައިވާކަމަށް ފުލުހުން ރިޕޯޓުކޮށްފައި ވަނީ ރޭ 12:19 އެހައިކަންހާއިރު އެވެ.
މި މައްސަލަ ރިޕޯޓްކުރުމާ ގުޅިގެން، ފުލުހުންގެ ކަމާގުޅުންހުރި ހުރިހާ ބަހާތަކަށް އެ މައުލޫމާތު ހިއްސާކޮށް އޭނާ ހޯދުމަށް އާންމުންގެ ކިބައިން އެހީއަށް އެދިަފއި ވަނީ މިއަދު ހެނދުނުއެވެ.
އެ މައްސަލައާއި ގުޅޭ އެންމެ ފަހުގެ މައުލޫމާތު ހިއްސާ ކުރަމުން ފުލުހުން ބުނީ، މިއަދު 11:20 އެހާކަށްހާއިރު އޭނާ އެނބުރި ގެއަށް އައިސްފައިވާ ކަމަށެވެ. އަދި އޭނާގެ ހާލު ރަނގަޅު ކަމަށް ފުލުހުން ބުނެއެވެ.
ނޫރާގެ އާއިލާ މީހަކާ ހަވާލާދީ ފޭސްބުކްގައި މީހަކު ކޮށްފައިވާ ޕޯސްޓެއްގައި ބުނެފައި ވަނީ ނޫރާއަކީ ފިޓް ޖެހޭ މީހެއްގެ އިތުރުން ސިކުނޑީގައި މައްސަލަ ހުންނަ މީހެއް ކަމަށެވެ. އަދި އެންމެ ފަހުން ފިޓް ޖެހުނު ދުވަހު ސިކުނޑިއަށް ލިބުނު އަނިޔާގައި މާ ބޮޑަށް ރުޅިގަދަވާކަމަށް އާއިލާއާއި ހަވާލާދީ ބުނެފައި ވެއެވެ.
