ނެސްލޭ އިން އުފައްދާަފައިވާ "އެސްއެމްއޭ" މަރުކާގެ އިންފެންޓް ފޯމިއުލާ އާއި ފޮލޯއަޕް ފޯމިއުލާގެ ބައެއް ބެޗުތަކުން 'ސެރެއުލައިޑް' ކިޔާ ވިހަ މާއްދާއެއް ފެނިފައިވާކަމަށް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން ބުނެފިއެވެ.
އެމްއެފްޑީއޭ އިން މިއަދު ބުނީ ނެސްލޭއިން އުފައްދާފައިވާ "އެސްއެމްއޭ" މަރުކާގެ އިންފެންޓް ފޯމިއުލާ އާއި ފޮލޯއަޕް ފޯމިއުލާގެ ބައެއް ބެޗުތަކުން އެ ވިހަ މާއްދާ ފެނިފައިވާތީ، އެ ތަކެތި ބާޒާރުން ނެގުމަށް ނިންމާފައިވާކަން، އެ ކުންފުނިން އިއުލާން ކޮށްފައިވާ ކަމަށެވެ.
"ސެރެއުލައިޑް"އަކީ ބެސިލަސް ސީރިއަސް ޖަރާސީމުން އުފައްދާ ވިހަ މާއްދާއަކަށްވާއިރު، އެ މާއްދާ އިން ތަޣައްޔަރު ވެފައިވާ އެއްޗެއް ބޭނުން ކުރެވިއްޖެ ނަމަ މޭނުބައިކޮށް، ހޮޑުލުން އަދި ބަނޑުގައި ރިއްސުން ފަދަ އަލާމާތްތައް ދިމާވެއެވެ. ރައްކާތެރި ފިޔަވަޅެއްގެ ގޮތުން، މިއަދުން ފެށިގެން އެ އުފެެއްދުންތައް ރާއްޖެ އެތެރެ ކުރުމާއި ވިއްކުން އެމްއެފްޑީއޭ އިން ވަނީ މަނާކޮށްފައެވެ.
އެގޮތުން މިއަދުން ފެށިގެން ވިއްކުން މަނާކޮށްފައިވަނީ:
- އެޑްވާންސް ފަސްޓް އިންފެންޓް މިލްކް 800 ގުރާމް
- އެސްއެމްއޭ އެޑްވާންސް ފޮލޯ އޮން މިލްކް 800 ގުރާމް
- އެސްއެމްއޭ އެންޓި ރެފްލަކްސް 800 ގުރާމް
- އެސްއެމްއޭ އަލްފަމިނޯ 400 ގުރާމް
- އެސްއެމްއޭ ފަސްޓް އިންފެންޓް މިލްކް 800 ގުރާމް
- އެސްއެމްއޭ ފަސްޓް އިންފެންޓް މިލްކް 400 ގުރާމް
- އެސްއެމްއޭ ފަސްޓް އިންފެންޓް މިލްކް 1.2 ކިލޯ ގްރާމް
- އެސްއެމްއޭ ލިޓުލް ސްޓެޕް ފަސްޓް އިންފެންޓް މިލްކް 800 ގުރާމް
- އެސްއެމްއޭ ކޮމްފޮޓް 800 ގުރާމް
- އެސްއެމްއޭ ފަސްޓް އިންފެންޓް 200 މިލި ލީޓަރު
- އެސްއެމްއޭ ފަސްޓް އިންފެންޓް 70 މިލި ލީޓަރު
- އެސްއެމްއޭ ލެކްޓޮސް ފްރީ 400 ގްރާމް
