ކ. ތިލަފުށި ސައިޓެއްގައި މަސައްކަތްކުރާ ބިދޭސީއަކު ގެއްލިގެން ހޯދަމުން ގޮސްފައިވާއިރު އެ މީހާ ނިޔާވެފައި އޮއްވާ ފެނިފައިވާ ކަމަށް ފުލުހުން ބުނެފިއެވެ.
ފުލުހުން ވަނީ ތިލަފުށި ސައިޓެއްގައި މަސައްކަތްކުރާ ބިދޭސީއަކު ޖެނުއަރީ 26 ވަނަ ދުވަހު ގެއްލިފައިވާ ކަމަށާއި އޭނާ ގެއްލިގެން ފުލުހުންނަށް ރިޕޯޓުކޮށްފައިވަނީ ޖެނުއަރީ 28 ވަނަ ދުވަހު ކަމަށް ބުނެފައެވެ.
އޭނާ ހޯދުމުގެ މަސައްކަތް މިއަދު ފުލުހުން ކޮށްފައިވާއިރު، ދާދި ދެންމެ އަކު މީޑިއާތަކާ ހިއްސާކުރި މެސެޖެއްގައި ފުލުހުން ވަނީ އެ ބިދޭސީ މީހާ ނިޔާވެފައި އޮއްވާ ފެނިފައިވާކަމަށް ބުނެފައެވެ.
ފުލުހުން ވަނީ އިތުރު މައުލޫމާތު ލިބެމުންދާވަރަކަށް ހިއްސާ ކުރަމުން ދާނެ ކަމަށް ބުނެފައެވެ.
ދާދި ފަހުން ކ. ކާށިދޫގެ މުދާ އުފުލާ ބޯޓެއް އެ ރަށު ފަރަށް އަރައި، ބޯޓުން ދަތުރުކުރަމުން ދިޔަ ބިދޭސީއަކު ގެއްލިގެން ހޯދަމުން ދަނިކޮށް މަރުވެފައި އޮއްވާ ވަނީ ފެނިފައެވެ. މި ހާދިސާގައި މަރުވެފައި އޮއްވާ ފެނުނީ ބަންގްލަދޭޝަށް ނިސްބަތްވާ އެމްޑީ އަލަމްގީރް (30އ) އެވެ.
